اوعى تزاكر وستك جمبك

الله أكبر الله أكبر..أذان الظهر..

يارب.. يارب بحق ده الآدان تنجح يا نون يولد ولدى وأشوفك دكتور أد الدنيا -

ياستى بس أنا فى تجارة-

وماله يواد هو يكتر على ربنا...... ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

ياستى التجارة اللى فى الوكالة حاجة واللى فى الكلية حاجة تانية-

ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-

جدى إيه اللى هايخدنى معاه .....ده جدى مات من زمان ياستى-

يامصيبتى عبد الواحد مات..ياحبيبى ياأخويا..مكنش يومك ياسبعى-

ياستى ده ميت من تلتين سنة-

تلتين سنه..ده العمر بيجرى
ياولاد تصدق ولا حسيت بيهم....ياللا أهو غار فى داهيه....قطع وقطعت
-سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى-

يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

ياستى دبلون إيه..أسمه البكالوريوس-

أنته عتضحك عليه ياوله..أسمه الدبلون الواد *** فايزة جدع زيك كده فى مدرسة التجارة وخد الدبلون-

خلاص دبلوم دبلوم ياستى ..سيبينى بقى عشان أذاكر -

-ذاكر ..ذاكر ياأخويا ذاكر...
تعرف ياواد ..ندرن عليا يوم ماتنجح لأكون رايحه خاطبالك عبير بت
رئيسه....دىإيه ياواد.. أدب وأخلاق..وعلام كمان

ياستى عبير دى معاها أعدادية-

-وماله يواد ...الراجل مايعبهوش إلا جيبه

راجل ...راجل مين ياستى...عبير دى بنت -

-عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه -

-طب ذاكر....ذاكر جتك نيله
وأنته طالع براوى كده زى أمك....قطعت وقطعت سيرتها...أنامش عارفه أبوك كان
أجوزها على إيه..حكم...قال لبس البوصة تبقى عروسة..بس واللى نبى النبى نبى
لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-

خلاص روحى المطبخ ...أهو زمان أمى خلصت الرز-

رز...رز إيه يواد ....هوأنا ليه سنان للمكرونه...أناهطلع البلكونه أحسن-

طب أبقى خلى بالك م الهوى ياستى-

هوى لما يلطشك يا واد يا جذمه انت-

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

هههههههههههههههههههههههههههههه
مسكين الولد ده

ههههههههههههههههههههههههههههههههه بس تيته عسل

ميرسى ليك على ردك
بس دى مش تيته لاء دى سته الناس بتوع زماااااان اوى

يا ربنااااااااااا

هو فى كدا

بس يستاهل مش هو اللى قاعد جانبها

ههه

ميرسى ع ا لتوبيك العسل

ههههههههههههههههههه

ميرسى على التوبك الرائع دة

هههههههههههه لا بجد تينه عسوله وواخده بالها من جيرانها كمان Very Happy

» اوعى تسيـب ضحكتـك تموت ,,,,,,,,,,
» احدث موديلات الصيف (اوعى تفوتك)